Uturuki, Somalia wasaini makubaliano ya uchimbaji gesi ya ‘haidrokaboni’ baharini

Makubaliano hayo yanaashiria mwanzo mpya wa ushirikiano wa pamoja katika nishati na madini.

Uturuki na Somalia wamepanua ushirika wao katika nishati kwa kusaini makubaliano ya uchimbaji na uzalishaji wa haidrokaboni.

Makubaliano hayo yanaruhusi Shirika la Petroli la Uturuki (TPAO) kuanza uchimbaji wa mafuta na gesi katika maeneo matatu yenye kilomita za mraba 16,000 ndani ya Somalia.

Makubaliano hayo yalitiwa saini Ankara siku ya Alhamisi na Waziri wa Nishati wa Uturuki Alparslan Bayraktar na Waziri wa Somalia wa Petroli na Nishati Dahir Shire Mohamed, ikiashiria mwanzo mpya wa ushirikiano kufuatia makubaliano ya mwanzo ya uchimbaji wa baharini.

TPAO kuzindua uchimbaji

Waziri Bayraktar amethibitisha kwamba kampuni ya nishati ya Uturuki, TPAO, itaanza shughuli za uchimbaji katika eneo lililotengwa ndani ya miezi kadhaa.

“Na makubaliano haya, ushirika umefanywa nje ya bahari,” amesema Bayraktar.

“Mwanzoni, utafiti utafanywa, utafuatia na uchimbaji kubainisha na kuchimba na kutoa mafuta na gesi.”

Makubaliano hayo yanafuatia kushirikiana katika uzalishaji uliosainiwa Julai 2024, ambao uliweka misingi ya upanuzi wa shughuli nchini Somalia katika sekta ya nishati.

Bayraktar pia alitoa taarifa zaidi kuhusu jitihada za Uturuki katika uchimbaji nchini Somalia.

Meli ya Oruc Reis tayari inafanya kazi katika maeneo matatu ikiwa na jumla ya kilomita za mraba 15,000.

“Mradi hivi sasa umefikia asilimia 78 kukamilika,” amesema Bayratar.

“Tunatarajia kumaliza utafiti mwezi Mei na kufanya uamuzi wa hatua ya uchimbaji kutokana na taarifa zilizokusanywa.”

Sekta ya madini

Kwa siku zijazo, Uturuki na Somalia zinapanga kuimarisha zaidi ushirikiano wao katika sekta ya madini.

“Tunalenga kwenda katika hatua mpya katika uhusiano wetu kwa kuzindua miradi ya madini,” amesema Bayraktar.

Waziri Dahir amesisitiza makubaliano ya kihistoria, yanainua ushirikiano katika kiwango chengine.

“Tutakuza rasilimali za Somalia kwa matokeo halisi yenye faida kwa mataifa yote mawili,” amesema na kuongeza kuwa mashirika ya madini ya Uturuki yanatarajiwa kushirikiana na Somalia pindi mfumo wa kisheria utakapo kuwa tayari.

Bayraktar pia ametangaza kwamba Uturuki itakuwa mwenyeji wa Mkutano wa Kimataifa wa Maliasili utakaofanyika Istanbul Mei 2, chini ya mwamvuli wa Rais Recep Tayyip Erdogan.

Mkutano huo utakusanya mawaziri na makampuni ya nishati kutoka duniani kote kuboresha ushirikiano katika sekta ya mafuta, gesi na madini.