Ɗan wansan damɓen boksin na Nijeriya Gabriel Olanrewaju ya mutu a yayin fafata wa a Ghana

Hukumar wasannin damɓen boksin ta Ghana (GBA) ta tabbatar da mutuwar ɗan wasan boksin na Nijeriya, Gabriel Oluwasegun Olanrewaju, wanda ya rasu a wata fafatawa a daren Asabar, 29 ga Maris, 2025.

Rahotanni sun bayyana cewa, ɗan wasan ya gamu da ajalinsa ne bayan ya faɗuwar da ya yi a yayin fafatawarsa da wasan ƙasar Ghana John Mbanugu a gidan damɓe na Bukom da ke birnin Accra.

 Kazalika, a sanarwar da GBA ta fitar, ta ce dan wasan ya samu takardar shaidar koshin lafiya daga likita kafin soma wasan wanda ya ba shi damar karawa a wasan na ƙasa da ƙasa.

"Kafin fara wasan, hukumar damben boksin ta Nijeriya ta ayyana Oluwasegun a matsayin wanda ke da koshin lafiya tare da ba da shaida da ke nuna matsayinsa na kwararre a wasan damben boksin kafin hukumar ta GBA ta amince da gasar ta kasa da kasa," a cewar sanarwar.